Click here to Download Android App

nauhajat

Ae dast-e-karbala, teri zameen pe khoon baha mere Hussainas ka
Ae dast-e-karbala, quraan bach gaya Shaheas Deen ka gala kata
 
Aashoor ka woh roz qayamat ka roz tha
Yeh roz imtehaan-e-imamat ka roz tha
Farzand-e-Mustafasa ki shahadat ka roz tha
Yani ke zer-e-tegh ibadat ka roz tha
                Ae dast-e-karbala, pyaasa shaheed
                ho gaya mazloom-e-karbalaas
 
Ek dopahar me gulshan-e-Zehrasa qizaan hua
Suraj lab-e-furaat sitam ka ayaan hua
Qaima jala Hussainas ka jal kar dhuwaan hua
Pyaasa shaheed dasht me ek be-zubaan hua
                Ae dast-e-karbala, dekha to hoga
                tune bhi jhoola jala hua
 
Pamaal teri khaak pa Qasimas ka tha badan
Tan par libaas shaadi ke uske bana kafan
Ek shab me bewa hogai maqtool ki dulhan
Marqad me khaak udaate the girya kuna Hassanas
                Ae dast-e-karbala, sehra Hassanas ke
                lal ka tukdaon me bat gaya
 
Nokay sinaa se sina-e-Akbaras hua figaar
Zainabsa kaleja thaam ke kahti thi baar baar
Kyun kar sina hui nahi Zainabsa ke dil ke paar
Ae laal kaise paalne wali ko ho qaraar
                Ae dast-e-karbala, kaise jiye woh
                jis ka jawan laal mar gaya
 
Be-dast hokay nahar pe Abbasas gir gae
Fart-e-alam se pyasaon ke chehre utar gae
Jis dam suna Sakinasa ne Abbasas mar gae
Boli woh roke ae mere ammu kidhar gae
                Ae dast-e-karbala, Pyaasaon ke haal-e-zaar
                 pe roti thi alqama
 
Shaam-e-Ghareebaan aaee to manzar ajeeb tha
Shahzaadiyaon ke sar se utaari gai rida
Masnad jali Rasoolsa ki har khaima jal gaya
Jibreelas aake arsh se deti thi yeh sadaa
                Ae dast-e-karbala, Aal-e-Nabisa pe
                zulm-o-sitam ki hai intehaa
 
Beemar-o-natawaan jo aseer-e-jafaa hua
Zindaan-e-shaam ke liye phir qafela chala
Naizaon pe sar shaheedaon ke karte rahe buka
Durraon se zakhm dete the Abidas ko ashqiyaa
                Ae dast-e-karbala, marqad me khaak
                udaane lagi Bint-e-Mustafasa