Click here to Download Android App

nauhajat

Maqtal me har ek laash pe Zehrasa ne fughaan ki
Ek laash lab-e-Nehar jo be-dast padi thi
Aur ek mashk bhi uss laash ke seene pa rakhi thi
Uss laash ne naagaah tadap kar yeh di sada
                Amma main hoon sharminda ke paani nahi laya
 
Amma meri laash pe aansoon na bahaa o
Jaao mere aaqa ke sarhaane chale jaao
Tum Qasimas-o-Akbaras ko kaleje se lagao
Shahzaadaon ka maatam karo kya zikr hamara
                Amma main hoon sharminda ke paani nahi laya
 
Amma main Sakinasa ki taraf kis tarha jaaoon
Kis tarha se masoom ko main shakl dikhaaoon
Kyun khoon me dooba hua mashkeeza dikhaaoon
Afsos ke poora na hua bachchaon se waada
                Amma main hoon sharminda ke paani nahi laya
 
Lashkar ka alamdaar tha lashkar hi nahi hai
Had ho gai chhe maah ka Asgharas bhi nahi hai
Chaadar ka muhafiz tha woh chaadar bhi nahi hai
Zainabsa ko na lana meri maiyyat pe khudaara
                Amma main hoon sharminda ke paani nahi laya
 
Koshish to bahut kee na thi ladne ki ijaazat
Baandhe the mere haath ko maula ki itaa at
Gar izne wegha milta to kar deta Qayamat
Khaimaon se mila deta main dariya ka kinaara
                Amma main hoon sharminda ke paani nahi laya
 
Amma mere do haath kate nehar kinaare
Amma tha laga aankh me ek teer hamare
Amma tha bura haal jo takleef ke mare
Ruk rook ke nikalta tha yoon dam seene se mera
                Amma main hoon sharminda ke paani nahi laya
 
Zehrasa ne kaha hai Alamdaar-e-Dilawaras
Iss teri wafa daari pa sadqe ho yeh maadar
Ro oongi sadaa mai tere parcham ko lipat kar
Yeh baat mere jaan na ab kehna dubaara
                Amma main hoon sharminda ke paani nahi laya
 
Paani ke liye tera lahoo ho gaya paani
Dariya pa kiya qabzaa rahi tashna dahaani
Tu aisa wafaa daar hai jis ka nahi saani
Dil dukhta hai iss baat se ae laal hamara
                Amma main hoon sharminda ke paani nahi laya