Click here to Download Android App

nauhajat

Shabbiras yeh ran me kahte the
Iss khoon ke pyaase sehra se
Seene pa sina ka zakhm liye
Akbaras bhi sidharaa Ya Abbasas
 
Yeh shahre sitam yeh karb-o-bala
Yeh jalti zameen yeh garm hawaa
Hum kis se kahein ab kaun bachaa
Bekas ka sahaara Ya Abbasas
 
Kya shor-e-qayaamat hai barpaa
Hai khooshk labaon par aah-o-buka
Aankhaon se hamaare dekho zara
Khaimaon ka nazaara Ya Abbasas
 
Badh jae ghamaon ki dhoop agar
Abbasas ka parcham hai sar par
Kahdo yeh zamaane se badh kar
                Har gham ka sahaara Ya Abbasas
 
Jab sookhe gale par teer laga
Maasum lahoo mein doob gaya
Inn haathaon se Asgharas ka lasha
                Marqad mein utara Ya Abbasas
 
Thay ran me shah-e-deenas jab tanhaa
Rukh karke taraaee ka yeh kahaa
Dekho to zaraa yeh fauj-e-jafa
                Hoti hai saf araa Ya Abbasas
 
Thi surq zameen-e-Karb-o-bala
Jab asr ka suraj dhalne laga
Hangaame shaadath Shahas ne kaha
                Hai kaun hamara Ya Abbasas
 
Kahti thi yeh ran mein majaee
Jab zulm ki aandhi chalne lagi
Narghe me sitam ke hai bhai
                Zehrasa ka dulara Ya Abbasas
 
Maqtal me yeh kaisi shaam hui
Kurta bhi jala chadar bhi chhini
Jab Shaam-e-Ghareebaan aag lagi
                Har dil ne pukara Ya Abbasas
 
Lipta ke kaleje se Zainabsa
Kis kis ko dilasa de Zainabsa
Har gham ka sahaara hai Zainabsa
                                Zainabsa ka sahaara Ya Abbasas
 
Khaimaon ke bhadakte sholaon se
Jab zulm ke baadal chhaane lage
Ghabraa ke Sakinasa bibi ne
                                Maqtal me pukara Ya Abbasas
 
 
Mashkiza bhara paani na piya
Saqqa-e-Harm pyasa hi raha
Deta hai Fareed ab tak yeh sada
                                Dariya ka kanaara Ya Abbasas