Click here to Download Android App

nauhajat

Abid-e-Muztaras luta kunba liye
Jab zameen-e-karbala pe aagae
Zainab-e-dilgeersa ke yeh bain the
                Ae mere Abbasas ae bhai mere
 
Karbala par hashr ka hangaam hai
Arba een-e-Shah-e-tashna kaam hai
Aagae ho kar reha hum qaid se
                Ae mere Abbasas ae bhai mere
 
Sah ke har ranj-o-mehan aaee utho
Dar badar phir kar bahen aaee utho
Har qadam zulm-o-sitam sahte hue
                Ae mere Abbasas ae bhai mere
 
Akbaras-o-Qasimas nahi Asgharas nahi
Jaan nisaar-e-sibt-e-Paighambarsa nahi
Sab zameen-e-karbala par so gae
                Ae mere Abbasas ae bhai mere
 
Din dhala to shaam-e-gham mahshar hua
Ho gai saidaaniyaan sab be-rida
Jab qayaam-e-aal-e-Paighambarsa jale
                Ae mere Abbasas ae bhai mere
 
Dard ke manzar nigahaon mein liye
Sham ki taarikiyaon mein kho gaye
Karbala se jab rasan basta gaye
                Ae mere Abbasas ae bhai mere
 
Abid-e-beemaras pahne bediyaan
Har qadam par de raha tha imtehaan
Taaziyaanaon ke sitam sahte hue
                Ae mere Abbasas ae bhai mere
 
Shaam walo kya tumhe maloom hai
Yeh hai Zainabsa aur woh Kulsumsa hai
Har qadam aadaa yeh batlaate gae
                Ae mere Abbasas ae bhai mere
 
Taoq pahne Abid-e-bimaaras tha
Saans lena bhi jise dushwaar tha
Shaam ke darbaar me jab le gae
                Ae mere Abbasas ae bhai mere
 
Pairahan bhai ka lekar jaoongi
Karbala ka waqaya dohraoongi
Jab madina jaoongi kunba liye
                Ae mere Abbasas ae bhai mere
 
Madare mazloom ka tujh par salam
Zainabsa o Kulsumsa ka tujh par salam
Ae Alias ke lal ae bhai mere
                Ae mere Abbasas ae bhai mere
Fatima Zehrasa ke dilbar al-vida
Ae sukune qalbe muztar al-vida
Jaa rahi hoon daag baazu par liye
                Ae mere Abbasas ae bhai mere
 
Tha Fareed ek hashr ka manzar ayaan
Kar rahi thi jab yeh ro ro kar bayaan
Ab watan jaakar yeh Zainabsa kya kare
                Ae mere Abbasas ae bhai mere