Click here to Download Android App

nauhajat

Ae deen-e-Mustafasa ke madadgaar
Sabr-o-yaqeen ke qafila salaar
Ae janasheen-e-Haider-e-Karraaras – Al-vida
 
Rakh kar jabeen lahad pa shah-e-mashraqain se
Ro roke kah rahi thi yeh Zainabsa Hussainas se
Bhayya teri bahan hai dilafgaar – Al-vida
 
Bhayya tumhaare baad sitam par sitam hue
Durre lage ridaaein chhini khaime jal gae
Tha kaun be-kasaon ka madadgaar – Al-vida
 
Bhayya main shaam o kufa ke bazaar mein gai
Kunbe ko leke bazme sitamgaar mein gai
Tha saath mere Abid-e-beemaras – Al-vda
 
Bhayya tumhaari baali Sakinasa nahi rahi
Ro roke qaid-e-shaam me akhir woh mar gai
Sahke har ek ranj woh ghamkhwaar – Al-vida
 
Bhayya yeh baazooaon pe rasan ke nashaan liye
Jaati hoon karbala se luta kaarwaan liye
Beemar-e-gham hai qafila salaar – Al-vida
 
Bhayya batao jaake mai Sughrasa se kya kahoon
Kis tarha karbala ki musibat bayaan karoon
Hai muntazir watan me woh beemaar – Al-vida
 
Bhayya lahad pa Nana ki jisdam main jaoongi
Ummat ke har sitam ki nishaani dikhaoongi
Dekho aseer-e-gham hai yeh ghamqar – Al-vida
 
Bhayya kahoongi maa se yeh saughat lai hoon
Mai karbala se ranj o alam saath lai hoon
Jaate hain ab watan yeh azadar – Al-vida
 
Uthkar Fareed Zainabsa-e-Muztar ne yeh kahaa
Rahiyo nigaahbaan tu ae dasht-e-karbala
Jab aaein mere bhai ke zawwaaar – Al-vida