Click here to Download Android App

nauhajat

Oonchi hai bahut karbal ki zameen          
Yaan qam hota hai arshe bareen
Jhukti hai farishtaon ki bhi jabeen
Sar apna yaheen qam karte raho
 
Aankhaon ki tamanna ashk-e-aza            
Hontaon ki tamanna aah-o-buka
Aur dil me matam ka jazba                          
Imaan ko mohkam karte raho
 
Abbasas tumhe denge quwwat 
Allah tumhe dega izzat
Haathaon ko ata hogi taqat                         
Bas Naad-e-Alias dam karte raho
 
Phaelao hawa is parcham ki        
Bas goonj rahe iss matam ki
Awaz rahe bas is gham ki                             
Bas aam yehi gham karte raho
 
Ghabrao na duniya ke gham se 
Marboot raho is parcham se
Seenaon ko sajao matam se      
Har dard ka marham karte raho
 
Dee’n ke liye usne sar bhi diya  
Hum shakl-e-Nabisa Akbaras bhi diya
Jhoole wala Asgharas bhi diya     
Laazim hai yehi gham karte raho
 
Jab goonjti hai matam ki sada    
Kahti hain fazaein Salle ala
Ek gham zada maa deti hai dua 
Bas pyaasaon ka gham karte raho
 
Bahta hai jahan matam se lahoo
Karti hai hawaein usse wazoo
Waan aayegi Imaan ki khushboo
Rote hue matam karte raho
 
Jannat ki hawaein milti hain        
Paakizah fizaein milti hain
Zehrasa ki duaein milti hain          
Girya yoonhi paiham karte raho

 
Ehsaan hai hum par Zainabsa ka 
Majlis ka saleeqa hum ko diya
Karte raho pyaasaon par girya   
Har ashk yaheen zam karte raho
 
Har ashk RASHEED ek nemat hai               
Yeh bhi pyaasaon ki nusrat hai
Iss me posheeda jannat hai        
Elaan yeh har dum karte raho