Click here to Download Android App

nauhajat

Jis gham se zindagi hai wahi gham karenge hum
Jab tak lahoo badan me hai matam karenge hum
Koi yeh gham kare na kare hum karenge hum
 
Chaaya hai kainaath pe yeh gham Hussainas ka
Dono jahan me hota hai matam Hussainas ka
Nauha yehi labaon pe hai har dum Hussainas ka
 
Roza Namaz-o-Hajj ka qulaasa hai Karbala
Farsh-e-zameen pe arsh-e-Moalla hai Karbala
Jab tak gham-e-Hussainas hai zinda hai Karbala
 
Har lamha zindagi ka Moharram hai dosto
Karb-o-bala ka zikr jo paiham hai dosto
Maqsad hamari zeest ka yeh gham hai dosto
 
Yeh majlisein yeh zikr yeh matam yeh shor-o-shain
Yeh taaziye yeh farsh-e-aza lab pa Ya Hussainas
Milta hai inn se Fatima Zehrasa ke dil ko chain
 
Qalb-e-Adoo pe waar hai matam Hussainas ka
Yeh misl-e-Zulfeqaar hai matam Hussainas ka
Islam ka hisaar hai matam Hussainas ka
 
Ehsaan deen-e-Haq pe hai Bint-e-Batoolsa ka
Kaam aa gaya Khuda ke gharana Rasoolas ka
Hai zikr lamha lamha yeh qalb-e-Malool ka
 
Roke zamana laakh magar kab ruke hain hum
Sheer-e-Kaneez-e-Fatima Zehrasa piye hain hum
Godi mein  maa ki maa se yeh waada kiye hain hum
 
Matam karenge roenge jab tak yeh dil chale
Hum hain gham-e-Hussainas ki aghosh ke pale
Kya fikr hai FAREED yeh duniya agar jale